Ə.Əliyev adına Azərbaycan Dövlət Həkimləri Təkmilləşdirmə İnstitutunda 16-17 fevral 2017-ci il tarixində Azərbaycan nevroloqlarının Milli Assosiasiyasının növbəti 6-cı konfransı keçiriləcəkdir. Hər dəfə olduğu kimi konfransda nevroloqların, neyrocərrahların, kardioloqların, radioloqların və s. ixtisas sahiblərinin iştirakı gözlənilir. Azərbaycan nevroloqlarının hər bir konfransında 500-dən artıq iştirakçı qeydiyyatdan keçir. Konfrans materialları ənənəvi olaraq toplu şəklində çap edilir və ya “Milli Nevrologia Jurnalı”nın növbəti sayında dərc edilib oxucuların diqqətinə çatdırılır. Konfransin işi ayri-ayri bölmələr üzrə təşkil ediləcəkdir-beyin qan dövranın kəskin pozulmaları, epilepsiya, mərkəzi sinir sisteminin demielinizasiyaedici xəstəlikləri, hərəkət pozulmaları, nevrologiyada təxirəsalınmaz hallar, uşaq nevrologiyası və s. Hər dəfə olduğu kimi bu konfransda da xarici ölkələrdən nümayəndələr iştirak edəcəklər.

    Məlumat və qeydiyyat: Ə.Əliyev adına ADHTİ-nin sinir xəstəlikləri kafedrası (akademik M.Mir-Qasımov adına Respublika Klinik Xəstəxanasının 1-ci korpusu, 3-cü mərtəbə), tel.: +99412 431 89 48