Elmi Tədris İnformatika şöbəsi 2 imtahan zalından, 3 xidməti otaq və 1 server otağından ibarətdir. Şöbənin işçiləri kafedralarda olan məlumatların, testlərin, sayt üzərində çalışmaları, kompüter və avadanlıqların işlənib hazırlanmasında, proqramlaşdırması, tədris, online tədris, institutda olan konfranslarda aktiv fəaliyyət göstərirlər. Bununla yanaşı, kursu bitirmiş həkimlər ETİŞ-də imtahan verir. 1-ci imtahan zalında 22 ədəd kompüter, 2-ci imtahan zalında 14 ədəd kompüter yerləşir ki, bu da imtahan zamanı imtahana gələnlərin xidməti üçün fəaliyyət göstərir. Server otağında yerləşən serverlər imtahan proqramlarının çalışmasına fəaliyyət göstərir, ümumi binanın internet şəbəkəsi də məhz server otağından paylanılır və bununla yanaşı hər mərtəbələrdə 1 ədəd paylayıcı (switch) və bağlantı panelləri (patch panel) yerləşdirilmişdir. Elektron informasiya resursları əsasən adhti.edu.az saytı üzərindən həyata keçirilir. Burada ümumi məlumatlar, Tədris haqqında məlumatlar, Elmi fəaliyyətlər, E-Kitabxana, Video mühazirələr və s. kimi fəaliyyətlər həyata keçirilir. Bununla yanaşı sayt üzərindən işçilər haqqında məlumat əldə etmək olar. Saytda keçirilən dərslərə uyğun mövzular və testlər yerləşdirilir ki, bununla da həkimlər öz bilik və bacarıqlarının səviyyəsini artıra bilərlər.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu