Anesteziologiya-reanimatologiya ixtisaslı rezidentlərə mühazirələr oxunacaqdır

06.06.2016

    Azərbaycan Respublikası Səhiyyə Nazirliyinin təşəbbüsü ilə keçirilmiş rezidentlərin bilik və bacarıqlarının qiymətləndirilməsinin nəticələrinə əsasən anesteziologiya-reanimatologiya ixtisası üzrə müxtəlif kliniki bazalarda son təhsil ilində rezidentura hazırlığı keçən rezidentlər üçün müəyyən mövzularda mühazirələrin oxunması məqsədəuyğun sayılmışdır. Bu məqsədlə Ə.Əliyev adına Azərbaycan Dövlət Həkimləri Təkmilləşdirmə İnstitutunda həmin rezidentlər üçün 2016-cı ilin iyun ayında mühazirələr keçiriləcəkdir. Mühazirələr aşağıdakı mövzulara həsr olunacaqdır:

    1. Həyati vacib orqan və sistemlərin anestezioloji-reanimatoloji anatomiyası və kliniki fiziologiyası.
    2. Mamalıq anesteziologiyası və reanimatologiyasının xüsusiyyətləri.
    3. Perioperasion dövrlər və onların xüsusiyyətləri.
    4. Anesteziologiya və reanimatologiyada istifadə olunan dərmanlar və onların farmakologiyası.
    5. Müxtəlif ağır vəziyyətlərdə böyrəklərin funksional vəziyyəti. Böyrək çatmamazlığı zamanı müalıcə tədbirləri.
    6. Tənəffüs çatmamazlığı və onun intensiv terapiyası.
    7. Çətin intubasiya.

    Mühazirələrin tarixi,vaxtı və mühazirəçilər haqqında məlumat almaq istəyənlər Ə.Əliyev adına Azərbaycan Dövlət Həkimləri Təkmilləşdirmə İnstitutunun rezidentura şöbəsinə müraciət edə bilərlər.



Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ELEKTRON KURSLAR


Ailə həkiminin praktikasında ürək-damar xəstəlikləri kursları

TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ

ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX