Ə.Əliyev adına ADHTİ-nin otorinolarinqologiya kafedrası Gəncə şəhərində
“Burun əlavə ciblərinin iltihabi xəstəlikləri” mövzusunda səyyari tematik kurs
keçirmişdir

02.05.2016

Ə.Əliyev adına ADHTİ-nin otorinolarinqologiya kafedrasının tədris prosesində yerlərdə həkimləri işdən ayırmamaq məqsədilə səyyari təhsil formasından geniş istifadə edilir. Kafedra əməkdaşları tərəfindən Respublikanın müxtəlif rayonlarını əhatə edən zonalarda vaxtaşırı səyyari kurs və seminarlar keçirilir. Bu qəbildən olan “Burun əlavə ciblərinin iltihabi xəstəlikləri ”mövzusunda səyyari kurs Gəncə şəhər Səhiyyə İdarəsinin müraciəti ilə 25.04.2016-29.04.2016-cı il tarixində Gəncə şəhərində keçirildi. Kursda Gəncə və Bərdə rayonlarında çalışan otorinolarinqoloqlar iştirak etdilər. Onlara burun əlavə ciblərinin iltihabi xəstəliklərinə müasır baxışlar haqqında mühazirələr oxundu,seminarlar keşirildi. Kursun proqramına uyğun məşğələlər otorinolarinqologiya kafedrasının müdiri professor Hüseynov N.M.,dosentlər Əfəndiyev A.Z.,Pənahian V.M. tərəfindən aparılmışdır. Mühazirələr diqqətlə dinlənilmiş və müzakirələr aparılmışdır.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu