5-6 iyun 2026-cı il tarixlərində Azərbaycan Tibb Universitetində institutun tibbi mikrobiologiya və immunologiya kafedrasının 100 illiyinə həsr olunmuş beynəlxalq konfrans keçirildi. Konfransda ölkəmizlə yanaşı Niderland, Türkiyə, Qazaxıstan, Litva və Rusiyadan olan alimlər iştirak etdilər. Onlar müasir mikrobioloji tədqiqatların nəticələrinə həsr olunmuş elmi məruzələrlə çıxış etdilər.
Ə.Əliyev adına Azərbaycan Dövlət Həkimləri Təkmilləşdirmə İnstitutunun mikrobiologiya və epidemiologiya kafedrasının müdiri, t.ü.f.d. Nigar Mütəlibova həmin konfransda "Parazitologiyada yeniliklər, əksepidemik tədbirlərin əhəmiyyəti" mövzusunda panel sessiyaya sədrlik etməklə yanaşı həm də "Azərbaycan Respublikasında parazitar xəstəliklərin epidemiologiyası, diaqnostik və əksepidemik problemlər" mövzusunda məruzə ilə çıxış etdi. Məruzə dinləyicilər tərəfindən maraqla qarşılandı.