Xəbər verildiyi kimi ölkəmizdə ilk dəfə Ə.Əliyev adına Azərbaycan Dövlət Həkimləri Təkmilləşdirmə İnstitutunun kardiologiya kafedrasında praktik yönümlü EKQ, Exokardioqrafiya, HOLTER-EKQ və Transezofageal Exokardioqrafiya (TEE) kursları keçirilir.
2026-cı ilin aprel-may aylarında təşkil olunmuş həmin kurslar artıq başa çatmışdır. Təlimlər institutun kliniki bazalarında Avropa Kardiologiya Cəmiyyətinin yetərlilik sertifikatını almış təlimçilər tərəfindən aparılmışdır. Qeyd edilən kurslar ilk dəfə təşkil olunmuşdur. Kurslara qatılan müdavimlər təlimin yüksək səviyyədə təşkil olunmasından razı qaldıqlarını xüsusi qeyd etdilər.
Ölkəmizdə bu sahələrdə çalışan mütəxəssis sayının kifayət qədər olmadığını nəzərə alaraq Səhiyyə Nazirliyinin Ə.Əliyev adına Azərbaycan Dövlət Həkimləri Təkmilləşdirmə İnstitutu, hər zaman olduğu kimi, bu ehtiyacı qarşılamaq üçün “Davamlı təhsil, davamlı təlim” devizi altında həkimlərin bilik və bacarıqlarını artıracaq yeni kurs və təlimlər təşkil edir və yaxın gələcəkdə kardiologiyanın digər sahələrini əhatə edəcək yeni aktual mövzulara aid təlimlər keçirəcəkdir.