23 may 2026-cı ildə Bakıda Səhiyyə Nazirliyinin və TƏBİB-in ilə dəstəyi, Azərbaycan Qastroenterologiya və İnvaziv Endoskopiya Cəmiyyətinin təşkilatçılığı ilə iltihabi bağırsaq xəstəliklərinə (İBX) həsr edilmiş İkinci Milli Forum kecirildi. Tədbirin əsas məqsədi qastroenterologiya və ona yaxın ixtisas sahələrindəki iltihabı bağırsaq xəstəliklərinə aid yeni nailiyyətləri müzakirə etmək, xüsusilə də gənc nəsil həkimlərimizin inkişafına və elmi-praktik biliklərinin artırılmasına töhfə vermək idi. Forum çərçivəsində autoimmun və ekstraintestinal təzahürlər, eləcə də iltihabi bağırsaq xəstəliklərinin konservativ terapiyaya cavabın itirilməsi və cərrahi müalicə prinsipləri, opportunistik infeksiyalar, bir çox ölkələrdə diaqnostik metodlar kimi artıq qeniş tədbiq edilən intestinal ultrasonografiya və endoskopik ultrasonografiyanın İBX-da rolu, histopatomorfologiya, uşaqlarda və hamilələrdə İBX diaqnostika, müalicə və vaksinasiya prinsipləri və bu grup xəstələrdə qidalanmanın əsasları mövzuları ətraflı şəkildə təhlil olundu. Forumun elmi sədri Ə.Əliyev adına Azərbaycan Dövlət Həkimləri Təkmilləşdirmə İnsitutunun terapiya kafedrasının dosenti, Azərbaycan Qastroenterologiya və İnvaziv Endoskopiya Cəmiyyətinin sədr müavini Gülüstan Babayeva idi.
17 məruzəçi və 14 moderatorun iştirakı ilə baş tutmuş bu forumda iltihabi bağırsaq xəstəlikləri sahəsində ən son elmi yeniliklər, kliniki yanaşmalar və müasir müalicə üsullarının müzakirəsi ilə yanaşı, bu aktual istiqamətın ekstraintestinal və cərrahiyə problemlərinin də dərin təhlili aparıldı. Tədbirdə Ə.Əliyev adına Azərbaycan Dövlət Həkimləri Təkmilləşdirmə İstitutunun terapiya kafedrasının əməkdaşları dosent Gülüstan Babayeva, assistentlər t.ü.f.d. Gülnarə Nurməmmədova, Fidan Qasımova, Ayğun Hüseynova, kafedranın doktorantı, German Hospitalın qastroenterologiya şöbəsinin müdiri Rəşad Həsənov və kafedranın rezident yetirməsi, Yeni Klinikanın həkim-qastroenteroloqu Ayçin Həsənova çıxış etdilər. İnstitutun dermatovenerologiya kafedrasının professoru Mir-Riad Cavad-zadə, ailə təbabəti kafedrasının müdiri, t.e.d. Eldar Hətəmzadə də öz təqdimatları ilə çıxış etdilər.