13-14 may 2026-cı il tarixində Ümumdünya Səhiyyə Təşkilatının Azərbaycandakı Nümayəndəliyinin dəstəyi ilə “Himayəçilər və pasiyentlərlə vaksinasiya üzrə kommunikasiya” adlı təlim təşkil olundu. Təlimin məqsədi tibb işçilərinə peyvəndləmə prosesində yaranan tərəddüdləri aradan qaldırmaq, dəqiq məlumatlandırma aparmaq və effektiv dialoq qurmaq üçün zəruri bacarıqlar qazandırmaq idi. Təlimdə beynəlxalq ekspertlə yanaşı milli təlimçilərdən olan Ə.Əliyev adına Azərbaycan Dövlət Həkimləri Təkmilləşdirmə İnstitutunun pediatriya kafedrasının dosenti Mətanət Qaraxanova da təqdimatlarla çıxış etdi. İştirakçılara təlim modulunun məzmunu və materialların tədris etmək üsulları izah edildi. İştirakçılara effektiv söhbət aparmaq üçün sübuta əsaslanan kommunikasiya addımları və üsullarını öyrənmək, bütün tibb işçilərinə vaksinasiyanın qəbulunu təşviq etmək və əhali arasında vaksinasiya səviyyəsini yaxşılaşdırmaq səylərində faydalı məlumatlar çatdırıldı. Təlimin praktiki sessiyalarında iştirakçılara kommunikasiya addımları və üsulları əyani nümayiş etdirildi. Təlimdə institutun mikrobiologiya və epidemiologiya, nevrologiya, pediatriya və ailə təbabəti kafedralarının əməkdaşları Sahib Kərimov, Mehriban Məmmədova, Ülkər Əsədova, İlahə İsrafilbəyova, Dinar Qəhrəmanova iştirak etdilər. Gələcəkdə bu təlimin kafedraların tədris proqramlarına daxil edilməsi nəzərədə tutulur.