15-19 aprel 2026-cı il tarixlərində Şimali Kipr Türk Respublikasının Girne şəhərində Türkiyə Neonatologiya Dərnəyinin 33-cü Milli Neonatologiya Konqresi keçirildi. Dünyanın müxtəlif ölkələrindən olan aparıcı mütəxəssislərin qatıldığı konqres çərçivəsində müasir neonatologiyanın aktual məsələləri, innovativ müalicə yanaşmaları və ixtisas üzrə qlobal əməkdaşlıq imkanları müzakirə olundu.
Ə.Əliyev adına Azərbaycan Dövlət Həkimləri Təkmilləşdirmə İnstitutunun pediatriya kafedrasının asistenti, Azərbaycan Pediatriya Cəmiyyətinin sədr müavini Erkin Rəhimov konqres proqramı çərçivəsində təşkil edilən türkdilli ölkələrin nümayəndələrinin iştirak etdiyi dəyirmi masada çıxış edərək Azərbaycanda neonatal yardımın mövcud vəziyyəti haqqında təqdimatla çıxış etdi. Məruzədə ölkəmizdə ana və uşaq sağlamlığının qorunması istiqamətində həyata keçirilən Dövlət Proqramları,perinatal xidmətlərin inkişafı,müasir texnologiyaların tətbiqi və ixtisaslaşmış kadr hazırlığı sahəsində görülən işlər xüsusi vurğulandı. Erkin Rəhimov neonatal yardımın daha da təkmilləşdirilməsində türkdilli ölkələr arasında bilik və təcrübə mübadiləsinin gücləndirilməsi, ortaq elmi platformaların yaradılması və birgə layihələrin həyata keçirilməsinin vacibliyini bir daha diqqətə çatdırdı.