16-18 aprel 2026-cı il tarixlərində Misirin Qahirə şəhərində Aralıq dənizi Çanaq Dibi Xəstəlikləri Cəmiyyətinin (MSPFD) və Misir Yoğun və Düz Bağırsaq Cəmiyyətinin (ESCR) 20-ci İllik toplantısı keçirildi. Tədbirdə Misir, Almaniya, Italiya, Səudiyyə Ərəbistanı, Hindistan, Malayziya, Rusiya, Livan, Avstraliya və digər ölkələrdən dəvət olunmuş mütəxəssislər iştirak edərək, sahə üzrə son yenilikləri və innovativ yanaşmaları müzakirə etdilər. Toplantıda Ə.Əliyev adına Azərbaycan Dövlət Həkimləri Təkmilləşdirmə İnstitutunun ümumi və plastik cərrahiyyə kafedrasının dosenti, t.e.d. Aynur Səfiyeva “Obstruktiv defekasiya sindromunda defekoqrafiyanin rolu” movzusunda təqdimatla çıxış etdi. Eyni zamanda o, yerli mətbuata müsahibə də verərək ölkəmizdə colorektal cərrahiyyənin inkişafından danışdı.
Bu cür beynəlxalq elmi platformalarda aktiv iştirak həkimlərimizin beynəlxalq təcrübə mübadiləsinə və səhiyyə xidmətlərinin keyfiyyətinin yüksəldilməsinə mühüm töhfə verir.