Ə.Əliyev adına ADHTİ-nin ümumi və plastik cərrahiyyə kafedrası bir neçə klinik bazada cərrahiyyə kurslarının keçirilməsini təşkil edir. Klinik bazalar müasir səhiyyənin tələblərinə uyğun təşkil olunub və burada yeni texnoloji müalicə-diaqnostika və tədris üsulları geniş şəkildə tətbiq olunur. Cərrahiyyə praktikyönümlü ixtisas olduğuna görə bu günki tədris proqramlarına müdavimlərə müasir əməliyyatların icra edilməsinin nümayiş etdirilməsi və onlara praktik vərdişlərin öyrədilməsi daxil edilmişdir. Kafedranın aşağıdakı klinik bazalarında tədris aparılır:
1. Sabunçu Tibb Mərkəzi (əsas baza) – çoxprofilli xəstəxana olduğu üçün burada müasir cərrahlığın əsas aspektlərini əhatə edən müalicə-diaqnostika üsulları və əməliyyatlar, o cümlədən, abdominal, torakal, endokrin, rekonstruktiv cərrahiyyə (qastroenteroloji biliar rekonstruksiya, qarının ön divarının müxtəlif rekonstruktiv əməliyyatları, daxili üzvlərin anadangəlmə və qazanıılmış qüsurlarının rekonstruktiv əməliyyatları və s.) əməliyyatları icra və tətbiq edilir. Müştərək travma ilə patologiyanın rast gəlmə tezliyi faiz etibarilə digər kliniki bazalarla müqayisədə çoxluq təşkil edir.
2. Elmi Cərrahiyyə Mərkəzi – Bu mərkəzdə müdavimlər müxtəlif növ abdominal cərrahi patologyada yeniliklərə və müasir texniki avadanlığın tətbiqinə yiyələnirlər.
3. Respublika Diaqnostika Mərkəzi – 3 cü baza olaraq burada tədris həm müasir tibbi avadanlıqla təhciz olunmuş otaqlarda, həm də yanaşı inteqrativ əməliyyat otağında təşkil olunmuşdur. Bunun nəticəsində müdavimlər icra edilən əməliyyatları onlayn rejimdə böyüdülmüş formatda izləyə bilirlər.
4. Mərkəzi Gömrük Hospitalı – Mərkəz ən müasir tibbi avadanlıqla təhciz olunmşdur. Burada müdavimlər endocərrahiyyənin sirrlərinə və transplantologiya ilə əlaqədar müasir biliklərə yiyələnirlər.