23 sentyabr 2026-cı il tarixində Azərbaycan Respublikası Səhiyyə Nazirliyi Ə.Əliyev adına Azərbaycan Dövlət Həkimləri Təkmilləşdirmə İnstitutu ilə Pakistanın "Riphah International University" arasında tərəfdaşlıq çərçivəsində videokonfrans formatında görüş keçirildi.
Görüşdə "Riphah International University"nin I prorektoru (Deputy Vice-Chancellor) professor Dr. Yawar Hayat, Birləşmiş Ərəb Əmirliklərinin “Al Ain Universiteti”nin dosenti Sabrin Ali Azim iştirak ediblər. Ə.Əliyev adına ADHTİ-ni beynəlxalq əlaqələr üzrə prorektor dosent Rüfət Hüseynli, elmi işlər üzrə prorektor professor Cəmilə Yusifova və beynəlxalq əlaqələr şöbəsinin müdiri Vəfa Abdullayeva təmsil etdilər.
Onlayn müzakirələr zamanı müəssisələr arasında elmi-akademik əməkdaşlığın inkişafı, birgə layihələrin icrası və gələcək tərəfdaşlıq perspektivləri geniş təhlil olunmuş, qarşılıqlı təcrübə mübadiləsinin önəmi vurğulanmışdır.