19 sentyabr 2026-cı il tarixində Mərkəzi Gömrük Xəstəxanasında Dövlət Gömrük Komitəsinin Tibbi Xidmət Departamenti, Mərkəzi Gömrük Xəstəxanası, Elmi, Praktik və Təlim Mərkəzi və Britaniya-Azərbaycan Həkimlər və Stomatoloqlar Assosiasiyasının təşkilatçılığı ilə "Ana və Uşaq Sağlamlığı: multidissiplinar yanaşmalar, perspektivlər və aktual çağırışlar" adlı beynəlxalq elmi konfrans keçirildi. Tədbirdə Respublikanın müxtəlif tibb müəssisələrindən dəvət olunmuş mama-ginekoloqlar və radioloqlar iştirak etdi.
Tədbirdə ana və dölün sağlamlığının qorunması, prenatal diaqnostika imkanlarının genişləndirilməsi və mürəkkəb klinik halların idarə olunması, fetal tibb sahəsində beynəlxalq təcrübənin öyrənilməsi və müasir tibbi yanaşmaların tətbiqi məsələlərinin müzakirəsi aparılmışdır.
Konfransda Britaniya-Azərbaycan Həkim və Stomatoloqlar Assosiasiyasının rəhbəri, Böyük Britaniyanın Birmingem Qadın və Uşaq Xəstəxanasının mama-ginekoloqu, t.ü.f.d. Fidan İsrafil-Bəylinin moderatorluğu ilə keçirilən master-klass və Böyük Britaniyadan Mamalıq, Ginekologiya və Fetal Təbabət üzrə professor Mark Kilbinin "Ultrasəs müayinəsinin nəticələrindən klinik qərar qəbuletmyə qədər: fetal tibbdə mürəkkəb hallar" mövzusunda etdiyi təqdimat iştirakçıların böyük maragına səbəb oldu.
Konfransda Ə.Əliyev adına Azərbaycan Dövlət Həkimləri Təkmilləşdirmə İnstitutunun mamalıq və ginekologiya kafedrasının müdürü professor Leyla Rzaquliyeva “Müasir mamalıqda yeniliklər” panelinin moderator olmaqla yanaşı “Servikal patologiyanın diaqnostikası və kolposkopiyanın rolu.Müasir standartlar” mövzusunda məruzə ilə də çıxış etdi.