Səhiyyə Nazirliyi Ə.Əliyev adına Azərbaycan Dövlət Həkimləri Təkmilləşdirmə İnstitutunun nevrologiya və klinik neyrofiziologiya kafedrasında tədris prosesində müasir və innovativ yanaşmalar tətbiq olunur. Kafedrada həkim-müdavimlər, rezidentlər və peşə təlimi alan nevroloqlar üçün təcrübə dərsləri çərçivəsində xüsusi təlim-treninglər keçirilir. Bu dərslərdə müxtəlif nevroloji xəstəliklər zamanı müşahidə olunan nevroloji əlamət və sindromlar videogörüntülər əsasında təhlil edilir.
Bununla yanaşı, kafedra daxilində funksional diaqnostikanın əsasları, o cümlədən EEQ və EMQ müayinələrinin növləri, aparılma prinsipləri və klinik interpretasiyası üzrə baza tədrisi aparılır.
Rezidentlər üçün ayrıca olaraq MRT görüntülərinin təhlili üzrə praktiki məşğələlər, o cümlədən klinik praktikada istifadə olunan və qeyri-rəsmi olaraq “Kəllənin işində zoopark” adlandırılan tipik MRT vizual nümunələrinin tanınması və interpretasiyası həyata keçirilir. Eyni zamanda, kafedra əməkdaşları tərəfindən İDİR (İntensiv Davamlı İnkişaf və Resertifikasiya) çərçivəsində uşaq nevroloqları üçün təlimlər təşkil olunaraq erkən diaqnostika və funksional qiymətləndirmə bacarıqlarının artırılması məqsəd qoyulur. Eləcə də “Digital health və pasiyentlərin self-management modeli” kontekstində WHOOP və Oura kimi geyilə bilən texnologiyaların nevroloji praktikada tətbiq imkanları barədə məlumatlar təqdim edilir.
Bu təlimlərin inteqrasiyası uşaq və böyük həkim-nevroloqların klinik düşüncə və diaqnostik bacarıqlarının inkişafına, nəzəri biliklərin praktik tətbiqinə və müasir nevroloji yanaşmaların mənimsənilməsinə imkan yaradır.