Azərbaycan Respublikası Səhiyyə Nazirliyi Ə.Əliyev adına Azərbaycan Dövlət Həkimləri Təkmilləşdirmə İnstitutu və Qazaxıstan Səhiyyə Nazirliyi Astana Tibb Universiteti arasında “Elm və səhiyyə sahəsində əməkdaşlıq haqqında Memorandum” imzalandı. Memoranduma əsasən tərəflər kurslar, konfranslar, seminarlar və ya mühazirələr kimi birgə akademik və elmi fəaliyyətlərin təşkili, fundamental elmi tədqiqatların hər iki müəssisənin tədqiqatçı-alimlərinin iştirakı ilə aparılması, elmi materialların və nəşrlərin mübadiləsi, beynəlxalq və milli tədqiqat layihələrinin hazırlanması və həyata keçirilməsində qarşılıqlı fəaliyyət, doktorantura təhsili və rezident hazırlığı proqramlarında əməkdaşlıq, elmi və pedaqoji kadrların birgə hazırlığı, eləcə də həkimlərin diplomdan sonrakı təhsilinin müasir formalarının tətbiqi və həyata keçirilməsində birgə fəaliyyət aparacaqlar.
Bundan əlavə tərəflər bu Memorandum və onun əsasında imzalanacaq Akademik Əməkdaşlıq Sazişi çərçivəsində həyata keçirilən konkret fəaliyyət üzrə əməkdaşlıq şərtləri haqqında da razılığa gəldilər.