Tibb təhsili müəssisələrində tədris proqramları ilə yanaşı həm də tədrisçilərin sistemli şəkildə, müasir yanaşmalara uyğun şəkildə hazırlanmasına xüsusi fikir verilir. Ona görə də tibbi tədris sistemində fəaliyyət göstərən müəllim heyətinin bilik və bacarıqlarının beynəlxalq stsndartlara uyğun təkmilləşdirilməsi daimi həyata keçirilməlidir. Bu kimi ixtisasartırma kursları olkəmizdə Səhiyyə Nazirliyinin dəstəyi ilə həyata keçirilən “Tibb tədrisçilərinin inkişafı proqramı” çərçivəsində Ə.Əliyev adına Azərbaycan Dövlət Həkimləri Təkmilləşdirmə İnstitutunda 2024-cü ildən mütəmadi olaraq təşkil edilir. Növbəti “Tibb elmlərinin tədrisi” adlı ToT-19 on günlük kursu institutun səhiyyənin təşkili və menecmenti kafedrasında başa çatmışdır. Kursda institutun cərrahiyyə və pediatriya kafedralarından müəllimləri ilə yanaşı 1 saylı Bakı Tibb Kollecindən 4 nəfər, 2 saylı Bakı Baza Tibb Kolecindən 3 nəfər müxtəlif ixtisasları tədris edən müəllimlər iştirak etmişlər.
Kurs iştirakçılarına tibbi tədris prosesində istifadə edilən müasir üsul və yanaşmalar, tədris planlarının hazırlanması və istifadə edilən vəsaitlər barədə geniş məlumatlar təqdim edilmişdir. Kurs müddətində iştirakçılara mövzulara dair əldə etdikləri bilik və bacarıqları praktiki məşğələlərdə nümayiş etdirmək imkanı da yaradılmışdır.