Şəkidə Azərbaycan Pediatriya Cəmiyyətinin növbəti regional konfransı keçirildi
08.06.2026
6 iyun 2026-cı il tarixində Şəkidə Azərbaycan Pediatriya Cəmiyyətinin növbəti regional konfransı keçirildi. Konfransda Şəki və digər şəhərlərdən 120 həkim iştirak etdi. Elmi proqramda uşaqlarda piylənmə, qan azlığı, qidalanma, nitq problemləri, peyvəndlər, onkologiya kimi mövzular müzakirə edildi.
Ə.Əliyev adına Azərbaycan Dövlət Həkimləri Təkmilləşdirmə İnstitutunun pediatriya kafedrasının əməkdaşları dosent Nigar Hacıyeva və dosent Sənubər Vəliyeva konfransda çıxış etdilər. Dosent Nigar Hacıyevanın "Anemiyaların diferensial diaqnostikası. Klinik hadisələrin müzakirəsi" mövzusunda təqdimatı interaktiv formatda, təqdim edilən xəstələrə diaqnozun qoyulmasında dinləyicilərin aktiv iştirakı ilə aparıldı. Dosent Sənubər Vəliyeva isə "Az yeyən və yeməkdən imtina edən uşaqlar. Diaqnostik axtarış və vəziyyətdən çıxış yolu" mövzusunda məruzə ilə çıxış edərək ailələr üçün aktual olan qidalanma problemlərini dinləyicilərin nəzərinə çatdırdı.
Əziz həmkarlar və səhiyyə ictimaiyyətinin nümayəndələri! Sizi Əziz Əliyev adına Azərbaycan Dövlət Həkimləri Təkmilləşdirmə İnstitutunun rəsmi internet səhifəsində salamlayıram!
İnstitutumuz 1935-ci ildən fəaliyyət göstərən, Azərbaycan səhiyyəsində ixtisaslı tibbi kadrların fasiləsiz inkişafını təmin edən qabaqcıl elmi-tədris mərkəzidir. Burada on minlərlə həkim peşəkar biliklərini müasir tələblər səviyyəsində təkmilləşdirmiş, ölkəmizin bütün regionlarında və xaricdə nüfuzlu mütəxəssislər kimi tanınmışdır.
İnstitutun tarixində mühüm rol oynamış görkəmli şəxsiyyətlər arasında onun ilk rəhbərləri – peşəkar təşkilatçılar və elm fədailəri, xüsusilə də institutun uzun illər rektoru olmuş professor Əziz Əliyev xüsusi ehtiramla anılır. Onun maarifçi fəaliyyəti və milli səhiyyənin inkişafında göstərdiyi xidmətlər bu gün də dəyərini itirmir və institutumuzun adında əbədiləşdirilib.
Sizi Əziz Əliyev adına Azərbaycan Dövlət Həkimləri Təkmilləşdirmə İnstitutunun rəsmi internet səhifəsində salamlayıram!
