Ə.Əliyev adına Azərbaycan Dövlət Həkimləri Təkmilləşdirmə İnstitutu ilə Ankara Universiteti arasında imzalanan qarşılıqlı əməkdaşlıq memorandumuna əsasən Ə.Əliyev adına ADHTİ-nun rezidentura təhsili üzrə prorektoru, tibb elmləri doktoru, dosent Məhəmməd Davudov Ankara Universitetinin Diş həkimliyi fakültəsində ağız-diş-çənə cərrahiyyəsi ixtisası üztə uzmanlıq təhsili alan həkimlərin tədrisində iştirak etmək üçün Universitet rəhbərliyi tərəfindən dəvət olunmuşdur. Əməkdaşımız 15.07.2025-01.08.2025 tarixlərində “Ağız boşluğu selikli qişası prekanseroz xəstəlikləri”, “Ağız xərçəngi, diaqnostikası və müalicə prinsipləri” mövzularında mühazirələr oxumuş, praktik dərslər aparmışdır. Mövzular Ankara Universitetinin Diş həkimliyi fakultəsinin müəllim heyəti və dinləyicilər tərəfindən maraqla qarşılanmış, faydalı olaraq qiymətləndirilmişdir.
Tədrisin sonunda baş tutan görüşdə fakültə rəhbərliyi keçən dərslərdən məmnunluq bildirmiş və gələcəkdə qarşılıqlı əməkdaşlığın davam etdirilməsinin vacibliyini vurğulamışdır.