17 may 2025-ci il tarixində Lənkəran şəhərində Azərbaycan Respublikası Səhiyyə Nazirliyi Akademik Zərifə Əliyeva adına Milli Oftalmologiya Mərkəzi və Azərbaycan Oftalmoloqlar Cəmiyyətinin birgə təşəbbüsü ilə Azərbaycan Retinoloqlarının 9-cu konfransı keçirilmişdir. Tədbirdə respublikanın müxtəlif bölgələrindən olan göz həkimləri iştirak etmişlər. Konfransın əsas məqsədi torlu qişa (retina) xəstəlikləri sahəsində aparılan elmi-tibbi araşdırmaların paylaşılması, bu sahədə əldə olunan nailiyyətlərin müzakirəsi, həmçinin regionlarda çalışan retinoloq və oftalmoloqların ən son diaqnostik və müalicəvi yeniliklərə çıxışının təmin edilməsidir.
Konfransda təşkilat komitəsinin sədri, Ə.Əliyev adına Azərbaycan Dövlət Həkimləri Təkmilləşdirmə İnstitutunun oftalmologiya kafedrasının dosenti, t.e.d. Müşfiq Kərimov “Vitreoretinal cərrahiyyədə mürəkkəb və qeyri-standart hallar” mövzulu təqdimatla çıxış etmiş, panel iclasında moderator olmuşdur.