II Bakı Spondiloartritlər Konfransı keçirilmişdir

05.04.2025

4 aprel 2025-ci il tarixində Bakıda Azərbaycan Revmatoloqlar İctimai Birliyinin təşkilatçılığı ilə II Bakı Spondiloartritlər Konfransı keçirilmişdir. Tədbir çərçivəsində olkəmizdən olan mütəxəssislərlə yanaşı Türkiyə, Qazaxıstan və Özbəkistandan dəvət olunmuş aparıcı mütəxəssislər də çıxış edərək öz bilik və təcrübələrini iştirakçılarla bölüşmüşlər. Mövzu ilə bağlı aktual problemlər, onlara müasir yanaşmalar və müalicə-profilaktika metodları haqqında mühazirələr oxunmuş və müzakirələr aparılmışdır.
Konfransda Ə. Əliyev adına Azərbaycan Dövlət Həkimləri Təkmilləşdirmə İnstitutunun dermatovenerologiya kafedrasının assistenti Mədinə İsmayiılova “Spondilitlərdə dəri zədələnmələri” panelində moderator kimi iştirak etmişdir.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu

TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ

QİYMƏTLƏNDİRMƏ