Azərbaycan Respublikası Səhiyyə Nazirliyi Ə.Əliyev adına Azərbaycan Dövlət Həkimləri Təkmillədirmə İnstitutunun rektoru professor Nazim Pənahov ilə ölkəmizdə işgüzar səfərdə olan Belarus Dövlət Tibb Universitetinin beynəlxalq əlaqələr üzrə prorektoru professor Vasili Vasilyeviç Rudenok arasında görüş keçirildi. Görüş zamanı Azərbaycanda və Belarus Respublikasında diplomdan sonrakı tibb təhsilinin mövcud tendensiyaları və problemləri müzakirə olundu. Eyni zamanda hər iki təhsil müəssisəsinin birgə həyata keçirə biləcəkləri ortaq layihələr və əməkdaşlıq perspektivləri nəzərdən keçirildi. Hər iki təhsil müəssisəsində təhsil alan tələbə və rezidentlərin mübadiləsi, qarşılıqlı və birgə elmi tədqiqatların və tədbirlərin planlanması, tərəflər arasında artıq mövcud olan Akademik Əməkdaşlıq haqqında Razılaşmanın bəndlərinin həyata keçirilməsi kimi məsələlər də müzakirə olundu.