Ə.Əliyev adına Azərbaycan Dövlət Həkimləri Təkmilləşdirmə İnstitutunda Davamlı Tibbi Təhsil konseptinə uyğun olaraq keçirilən əyanı kurslarla yanaşı səyyarı kursların da aparılması mütamadi davam edir. Belə kurslarda biri institutun terapiya kafedrasının əməkdaşları tərəfindən 27.10.25-31.10.25-ci il tarixlərində Şamaxı şəhərində “Komorbid patologiyaların idarə olunmasının xüsusiyyətləri” mövzusunda keçirilmişdir.
Kursda Şamaxı rayon mərkəzi xəstəxanasının terapevt, ailə həkimləri, kardiolq və endokrinoloqları iştirak etmişlər. Kafedranın dosenti t.e.d. Mehdiyev Samir və kafedranın assistenti t.ü.f.d. Musayeva Ağabacı tərəfindən daxili xəstəliklər praktikasında rast gələn komorbid patologiyalar və onların idarə olunmasına dair son klinik protokollardan olan məlumatlar həkim-dinləyicilərə çatdırılmışdır. Səyyar kurs zamanı ətraflı müzakirələr aparılmış, müdavimləri maraqlandıran çoxsaylı suallara cavablar verilmiş, bir neçə ağır xəstənin diaqnostika və müalicə taktikasının seçilməsində yerli həkimlərə köməklik göstərilmişdir. Həkim-müdavimlər səyyar kursun vacibliyini qeyd etmiş, kafedranın müəllimlərinə dərin minnətdarlıqlarını bildirmişlər.