“Menopauza problemləri və onların korreksiyası” adlı konfrans keçirilmişdir 10.03.2025
5 mart 2025-ci ildə Bakıda “Menopauza problemləri və onların korreksiyası” adlı konfrans keçirilmişdir. Konfransda Bakı şəhəri və Respublikanın müxtəlif regionlarından 150-yə yaxın həkim ginekoloq iştirak etmişdir. Tədbirdə ölkənin aparıcı mütəxəssisləri tərəfindən menopauzanın ən aktual problemləri, onlara müasir yanaşmalar və müalicə-profilaktika metodları haqqında mühazirələr oxunmuş və müzakirələr aparılmışdır.
Konfransda Ə.Əliyev adına Azərbaycan Dövlət Həkimləri Təkmilləşdirmə İnstitutunun mamalıq və ginekologiya kafedrasının əməkdaşları da iştirak etmişlər. Kafedranın müdiri professor Leyla Rzaquliyeva paneldə sədr, dosenti İlahə Quliyeva paneldə moderator olmuş, dosent İlahə Quliyeva “Genitourinar menopauzal sindromun müasir müalicə üsulları” adlı məruzə ilə çıxış etmişdir. Məruzə konfrans iştirakçıları tərəfindən maraqla qarşılanmış və ətrafında müzakirələr aparılmışdır.
|
|
Hörmətli dostlar!
 Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.
Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır.
İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.
|
TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ
ONLAYN JURNAL
"Tibb və Elm"
Əziz Əliyev adına elmi-praktiki jurnal.
Tibb sahəsinin bütün bölmələri üzrə orijinal məqalələr qəbul edilir.
|
|
