10-14 mart 2025-ci il tarixində ABŞ-ın San Diego şəhərində Amerika Ortopedik Cərrahlar Akademiyasının (AAOS -American Academy of Orthopedic Surgeons) illik toplantısı keçirilmişdir.
AAOS -un illik toplantıları travmatologiya və ortopediya ixtisası üzrə dünyada kecirilən ən möhtəşəm tədbir sayılır. Bu il toplantıya bütün dünya ölkələrindən 30000-dən çox iştirakçı qatılmışdı. Tədbirdə Ə.Əliyev adına Azərbaycan Dövlət Həkimləri Təkmilləşdirmə İnstitutunun travmatologiya və ortopediya kafedrasının assistenti t.ü.f.d. İnar Seidov da iştirak etmişdir.
İxtisasın tanınmış mütəxəssisləri 5 gün ərzində travmatologiya və ortopediyanın bütün aktual məsələlərini müzakirə etdilər. Canlı əməliyyatlardan başqa, geniş spektrdə mövzuları olan interaktiv seanslar və “Workshop”lar da keçirildi.
Toplantıda planlaşdırılan proqram üzrə praktiki bacarıqların inkişaf etdirilməsi, praktikada çətin texnologiyalar müzakirə olundu, fikir mübadiləsi aparıldı və ekspertlərdən öyrənmək imkanları əldə edildi. Bu beş gün ərzində nümayəndələr tərəfindən canlı cərrahiyyə əməliyyatlarına, mürəkkəb klinik hadisə təqdimatlarına, didaktik mühazirələrə baxıldı.
Tədbir cərcivəsində institutun əməkdaşı İnar Seidov robotik cərrahiyyənin ilkin nəticələri və perspektivləri mövzusunda dəyirmi masada iştirak edibdir.
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.
