11.04.2014

14-15 aprel 2014-cü il tarixində Ə.Əliyev adına ADHTİ-nin pediatriya kafedrasında Amerikanın qabaqcıl mütəxəssisləri tərəfindən humanitar təşkilatın rəhbəri Stiv Stonhausun tərtib etdiyi proqram əsasında uşaq yaşlarının endokrinilogiyası, allerqologiya və immunologiyası, hemotologiya və onkologiyası üzrə həkim-müdavimlər üçün mühazirələr və seminarlar keçirilir. Seminarlar Professor Cems Varpinski, professor Robert Hofman, professor Susan Vir tərəfindən təqdim edildi. Seminarların mövzuları aşagıdakılardır:

- Pediatrik allergiyalar: allergiyanın kliniki təsviri, allergik pozğunluqlar zamanı laborator testlər. Allergiyanın müalicə prinsipləri. Astma və allergiyaların qiymətləndirilməsi və müalicəsində bazis yanaşma

- Pediatrik endokrinologiya: tez-tez rast gələn endokrin pozgunluqlar zamanı laborator testlər. I tip şəkərli diabetin qiymətləndirilmə və aparılan tədbirlərə praktik yanaşma

- Pediatrik hematologiya/onkologiya: uşaqlarda rast gələn anemiyalara praktik yanaşma. Uşaqlarda leykoz, limfoma, neyroblastoma, Vilm şişi, mərkəzi sinir sisteminin şişləri kimi rast gələn pediatrik bədxassəli şişlərin qiymətləndirilməsi və aparılan tədbirlər.

Seminarlar saat 9.00-dan 15.00-ə kimi fasilələrlə keçirildi. Sonda həkimlərə seminarların keçirilməsi haqqında sertifikatlar təqdim olundu.

Əziz həmkarlar və səhiyyə ictimaiyyətinin nümayəndələri!

Sizi Əziz Əliyev adına Azərbaycan Dövlət Həkimləri Təkmilləşdirmə İnstitutunun rəsmi internet səhifəsində salamlayıram!

İnstitutumuz 1935-ci ildən fəaliyyət göstərən, Azərbaycan səhiyyəsində ixtisaslı tibbi kadrların fasiləsiz inkişafını təmin edən qabaqcıl elmi-tədris mərkəzidir. Burada on minlərlə həkim peşəkar biliklərini müasir tələblər səviyyəsində təkmilləşdirmiş, ölkəmizin bütün regionlarında və xaricdə nüfuzlu mütəxəssislər kimi tanınmışdır.
İnstitutun tarixində mühüm rol oynamış görkəmli şəxsiyyətlər arasında onun ilk rəhbərləri – peşəkar təşkilatçılar və elm fədailəri, xüsusilə də institutun uzun illər rektoru olmuş professor Əziz Əliyev xüsusi ehtiramla anılır. Onun maarifçi fəaliyyəti və milli səhiyyənin inkişafında göstərdiyi xidmətlər bu gün də dəyərini itirmir və institutumuzun adında əbədiləşdirilib.

Davamını oxu