Ümumdünya Səhiyyə Təşkilatının Azərbaycan Nümayəndəliyi və Avropa Birliyinin dəstəyilə Səhiyyə Nazirliyi, İcbari Tibbi Sığorta Agentliyi və TƏBİB qurumları ilə birgə əməkdaşlıq çərçivəsində ölkədə ilkin səhiyyənin gücləndirilməsinə dair yeni proqramların icrası davam etməkdədir. Eyni zamanda Respublikada “Təcili Yardım Sisteminin Gücləndirilməsi”nə dair fəaliyyətlər həyata keçirilir. Bu fəaliyyətlərlə bağlı tibb işçilərinin bilik və bacarıqlarının artırılması məqsədilə Ə.Əliyev adına ADHTİ-nin bütün kafedralarının tədris proqramlarına Təməl Həyat Dəstəyi (THD; BLS-Basic Life Support) təlimləri daxil edilmişdir.
Belə bir təlim pediatriya kafedrasında peşə hazırlığı və ixtisasartırma kurslarında iştirak edən həkimlər üçün baş tutmuşdur. Təlim kafedranın dosentləri, Ümumdünya Səhiyyə Təşkilatının "Sağlamlıq üçün Həmrəylik Təşəbbüsü" layihəsinin təlimçiləri Mətanət Qaraxanova və Təranə İbadova tərəfindən keçirmişdir. İlk olaraq iştirakçılar arasında onların THD bilik səviyyələrini qiymətləndirmək məqsədilə test yoxlanışı aparılmışdır. Sonra təlim iştirakçılarına zərərçəkənə (böyük, uşaq və körpələrə) ilk yardımın tədbiqinə dair (COVİD-19 pandemiyası şəraitində THD prinsipləri də daxil olmaqla) geniş məlumatlar təqdim edilmişdir. Həmin məlumatlar manekenlər üzərində əyani nümayiş olunmaqla zərərçəkənə yanaşmaq, təhlükəsizliyi təmin etmək, tibbi yardımı çağırmaq, ürək-ağciyər canlandırılmasına dair alqoritmin tədbiqi və s. əhatə edirdi. Bu zaman iştirakçılara manekenlər üzərində sərbəst çalışmaq imkanı da yaradılmışdı. İştirakçıların yerinə yetirdikləri tapşırıqların qiymətləndirilməsi isə sorğu (bələdçi) vasitəsilə aparılmışdır.
Hörmətli dostlar! Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.
Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır.
İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.
