Əməkdaşımız Azərbaycan Ağız və Üz-Çənə Cərrahları Cəmiyyətinin beynəlxalq elmi konfransında cıxış etmişdir

17.03.2019

14-16 mart 2019-cu il tarixində Bakı Konqres Mərkəzində Azərbaycan Ağız və Üz-Çənə Cərrahları Cəmiyyətinin “Daha yaxşı gələcək quraq” şüarı altında 1-ci Beynəlxalq Elmi Konqresi keçirilmişdir. Konqresdə yerli tibb qurumların nümayəndələri ilə yanaşı ABŞ, Rusiya, Tailand, Niderland, Almaniya, Birləşmiş Krallıq, İran, Türkiyə, İtaliya, Hindistan, Almaniya və Gürcüstandan tibb elmi məktəblərinin tanınmış mütəxəssisləri və alimləri iştirak etmişlər.
400-dən çox mütəxəssisin qatıldığı bu tədbirdə Azərbaycan Parodontologiya Cəmiyyətinin prezidenti, Ə.Əliyev adına Azərbaycan Dövlət Həkimləri Təkmilləşdirmə İnstitutunun stomatologiya və üz-çənə cərrahiyyəsi kafedrasının dosenti Cavid Əhmədbəyli “İmplantlar ətrafında iltihabi diş əti xəstəliklərinin müalicəsində oral probiotiklərin tədbiqi” mövzusunda məruzə ilə cıxış etmişdir. Həmin məruzədə implantlar ətrafında diş əti xəstəliklərinin yayılması, diaqnostikası, müalicəsi və profilaktikası ilə yanaşı bu sahədə Ə.Əliyev adına Azərbaycan Dövlət Həkimləri Təkmilləşdirmə İnstitutunun stomatologiya və üz-çənə cərrahiyyəsi və İstanbul Altınbaş Universitetinin parodontologiya kafedralarının əməkdaşlığı ilə aparılan elmi təqdiqatın nəticələri təqdim olunmuşdur.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu