Ə.Əliyev adına ADHTİ-da «Qeyri-infeksion xəstəliklərin profilaktikası» beynəlxalq elmi-praktiki konfransı keçirildi

23.11.2019

22 noyabr 2019-cu il tarixində Ə.Əliyev adına Azərbaycan Dövlət Həkimləri Təkmilləşdirmə institutunda Rusiya Federasiyası Səhiyyə Nazirliyi Milli Tibbi Tədqiqat Profilaktik Təbabət Mərkəzi əməkdaşlarının iştirakı ilə birlikdə "Qeyri-infeksion xəstəliklərin profilaktikası" mövzusunda beynəlxalq elmi-praktik konfrans keçirilmişdir. Konfransı giriş sözü ilə Ə.Əliyev adına ADHTİ-nin elmi işlər üzrə prorektoru dosent M. Meybəliyev açaraq bildirdi ki, konfrans qeyd edilən müəssisələr arasında 2016-2020-ci illəri əhatə edən elmi əməkdaşlığa dair bağlanmış memorandum əsasında həyata keçirilir. Prorektor qeyri-infeksion xəstəliklərlə mübarizənin əhəmiyyətindən danışdı, bu xəstəliklərin müalıcəsinin mühüm sosial-iqdtisadi əhəmiyyət kəsb etdiyini vurğuladı.
Konfransa sədrlik edən terapiya kafedrasının professoru N.Fərəcova çıxış edib bildirdi ki, bu sosial əhəmiyyətli xəstəliklərə multifaktorial yanaşmaqla onlardan baş verən ölümün sayını, əlillik göstəricilərini və dövlət büdcəsindən xərclənən vəsaitləri əhəmiyyətli dərəcədə azaltmaq olar.
Sədr sonra sözü Rusiya Federasiyası Səhiyyə Nazirliyi Milli Tibbi Tədqiqat Profilaktik Təbabət Mərkəzinin əməkdaşlarına verdi. Professor M.N.Mamedov "Коморбидность хронических неинфекционных заболеваний: стратегия многофакторной профилактики", professor D.V.Nebieridze "Актуальные вопросы диагностики и лечения артериальной гипертонии: как обеспечить максимальное снижение риска осложнений?", t.ü.f.d. Y.A.Balanova "Факторы риска хронических неинфекционных заболеваний. Состояние проблемы.", professor N.M.Axmedcanov "Современные принципы антиатерогенной терапии" mövzusunda məruzələrlə çıxış etdilər.
Konfransın ikinci hissəsində Ə.Əliyev adına ADHTİ-nin terapiya kafedrasının əməkdaşları professor İ.İ.Mustafayev "Rezistent arterial hipertenziya", professor N.A.Fərəcova "Ağciyərlərin xroniki obstruktiv xəstəliyi: aktual sosial-iqtisadi problemin müasir vəziyyəti", dosent S.X. Mehdiyev "Şəkərli diabet tip 2 Azərbaycan kohortasında hədəf orqan zədələnmələrinin xüsusiyyətləri: kliniki-epidemioloji tədqiqatın nəticələri" mövzusunda məruzələrlə çıxış etdilər.
Məruzələr konfrans iştirakçıları tərəfindən maraqla qarşılandı, sonda konfrans iştirakçılarının çoxsaylı suallarına cavab verildi, müzakirələr aparıldı. Məruzəçilər və iştirakçılar bu istiqamətdə aparılan elmi-praktik konfransların vacibliyini, birincili və ikincili profilaktika tədbirlərinin mühüm əhəmiyyət kəsb etdiyini vurğulayaraq belə tədbirlərin mütəmadi olaraq keçirilməsini arzuladılar.



Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX