Ə.Əliyev adına Azərbaycan Dövlət Həkimləri Təkmilləşdirmə İnstitutunda həyata keçirilən tədbirlərin əsas hissəsini Dövlət Proqramlarının, Milli Fəaliyyət Planlarının və Səhiyyə Nazirliyinin tədbirlər planının icrası çərçivəsində görülən işlər təşkil edir. Həmin Proqramlardan biri olan “Azərbaycan Respublikasında qeyri-infeksion xəstəliklərlə mübarizəyə dair 2015-2020-ci illər üçün strategiya“nın icrası üçün Səhiyyə Nazirinin 07.03.2016-cı il tarixli 16 nömrəli əmri ilə təsdiq olunmuş Fəaliyyət Planının müvafiq bəndləri üzrə institutda işlər aparilir. İcraçılardan biri olan kardiologiya kafedrası tərəfindən ilkin səhiyyə xidməti müəxəssisləri üçün qeyri-infeksion xəstəliklərin risk faktorlarının (tütündən istifadə, spirtli içkilərdən sui-istifadə, qeyri-sağlam qidalanma, fiziki passivlik) azaldılması üçün bərabərlik prinsipinə əsaslanan səmərəli tədbirlərin həyata keşirilməsi çərçivəsində risk amilləri üzrə təlim paketi hazırlanmış və ixtisasartırma kurslarının tədris planlarına, terapevtlərin diplomdansonrakı kurrikulumuna daxil edilmişdir.
Bu tədbirlər sırasında kardiologiya kafedrasında 27-31 oktyabr 2019-cu il tarixində keçirilən “Ürəyin işemik xəstəliklərinin müasir farmakoterapiyası” kursu zamanı həkim-müdavimlərin, stajor və rezidentlərin iştrakı ilə konfrans keçirilmişdir.Tədbirdə müxtəlif mövzularla çıxış edən kafedranın müdiri professor F.Ə.Quliyev, dosent K.X.Zahidova, assistent G.T.Məmmədova, rezident N.Sultanlı Dövlət Proqramında vurğulanan qeyri-infeksion xəstəliklərlərdən olan ürəyin işemik xəstəliklərinin müasir müalicə və profilaktika yollarından məlumat verdilər.
Konfrans iştirakçıların aktiv iştirakı ilə keçdi.