Əməkdaşımızın məqaləsi “Journal of Clinical Periodontology” jurnalında nəşr edilmişdir

28.09.2019

Ə.Əliyev adına Azərbaycan Dövlət Həkimləri Təkmilləşdirmə İnstitutunun stomatologiya və üz-çənə cərrahiyyəsi kafedrasının dosenti, Azərbaycan Parodontologiya Cəmiyyətinin prezidenti Cavid Əhmədbəylinin "Coronally advanced flap and envelope type of flap plus acellular dermal matrix graft for the treatment of thin phenotype multiple recession defects. A randomized clinical trial” adlı elmi məqaləsi Science Citation Index (SCI) bazasına daxil olan, yüksək impakt faktorlu (4.164) “Journal of Clinical Periodontology” jurnalında nəşr edilmişdir.
Diş əti çəkilmələrinin cərrahi müalicəsindən ibarət olan həmin tədqiqat Türkiyənin Altınbaş və Yeditepe Universitetləri (Prof. Selcuk Yilmaz, Prof. Sebnem Dirikan İpci, Prof. Gokser Cakar) və Brazilyanın Ibirapuera Universiteti (Prof. Leandro Chambrone) əməkdaşları ilə birgə yerinə yetirilmişdir.
Hazırda Ə.Əliyev adına Azərbaycan Dövlət Həkimləri Təkmilləşdirmə İnstitutunun stomatologiya və üz-çənə cərrahiyyəsi kafedrası bir çox yerli və xarici ölkələrin elmi müəssisələri və alimləri ilə birgə müştərək işlər yerinə yetirir və alınan nəticələrin dünyanın nüfuzlu tibbi jurnallarında dərc edilməsi planlaşdırılır .
Elmi məqalə ilə PubMed indeksləmə bazasından tanış olmaq mümkündür: https://www.ncbi.nlm.nih.gov/pubmed/31350924



Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX