“Bruselyoz” mövzusunda bir günlük seminar keçirildi

28.09.2019

Ə.Əliyev adına Azərbaycan Dövlət Həkimləri Təkmilləşdirmə İnstitutunda səhiyyə sisteminin modernizasiyası və innovasion inkişafı şəraitində istifadə edilən tibbi texnologiyaların, müasir diaqnostika, müalicə, profilaktika və reabilitasiya metodlarının kliniki, sosial və iqtisadi effektliliyini təmin edə bilən tibbi kadrlar hazırlanması istiqamətində daim iş gedir.Bu tələbatı ödəmək üçün davamlı tibb təhsili sisteminin uğurla fəaliyyət göstərməsi vacıb amillərdəndir. Ona görə də institut əməkdaşları peşə hazırlığı kurslarının davamlı tibb təhsili sistemi prinsiplərinə uyğunlaşdırrılması üzərində mütəmadi çalışırlar. İşlərdən biri də kursların müddətlərinin davamlı tibb təhsili sisteminə uyğun optimallaşdırılmasıdır.Beləki, 2019/2020-ci tədris ilində 5 və 8 günlük kurslarla yanaşı 1 və 2 günlük seminar /treninqlərin də təşkili nəzərdə tutulmuşdur.Artıq ilk belə seminar yoluxucu xəstəliklər kafedrasi tərəfindən “Bruselyoz” mövzusunda 26.09.2019-ci il tarixində keçirilmişdir.Seminarda iştirak edən həkim-infeksionistlər, həkim-pediatrlar və həkim-terapevtlər bruselyozun müasir diaqnostikası və müalicəsi məsələləri haqqında tam məlumatlandırılmışlar. Seminar iştirkçılarına davamlı tibbi təhsili fəaliyyəti üzrə 6 kredit yığıldığını göstərən müvafiq sertifikatlar verilmişdir.
2019/2020-ci tədris ilində institutun bütün kafedralarında bu tip 1 və 2 günlük seminar /treninqlərin keçirilməsi planlaşdırılır.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu