ELAN! | Ə.Əliyev adına Azərbaycan Dövlət Həkimləri Təkmilləşdirmə İnstitutunun 90 illik yubileyinə həsr olunmuş beynəlxalq elmi-praktiki konfrans keçiriləcəkdir 09.12.2024
2025-ci ilin noyabr ayında Ə.Əliyev adına Azərbaycan Dövlət Həkimləri Təkmilləşdirmə İnstitutunun yaranmasının 90-cı ili tamam olacaqdır. Bu yubileyə həsr olunmuş beynəlxalq elmi-praktiki konfrans keçiriləcəkdir. Konfransda çıxış etmək istəyən elmi tibbi müəssisələrin əməkdaşları institutun elmi işlər şöbəsinə müraciət göndərə bilərlər.
Konfransın materiallarının məcmuəsi də dərc olunacaqdır. Məqalələr və tezislər azərbaycan, rus və ingilis dillərində qəbul edilir. Məqalələrin həcmi 3, tezislərin həcmi isə 1 səhifədən çox olmamaqla A4 formatda, boş sahələr hər tərəfdən 2,5 sm, şrift 14, Times New Roman, interval 1 şərtlərinə cavab verməlidir. Məqalələr və tezislər çap şəklində (bir nüsxə) və elektron (CD) variantında, məqalələrin xülasəsi ilə birgə təqdim olunmalıdırlar.
Məqalə və tezislərin göndərilməsi, həmşinin çıxış üçün müraciət 15 aprel 2025-ci il tarixinə qədər olmalıdır.
Ünvan: AZ1012, Bakı şəhəri, Müzəffər Həsənov küçəsi 35, Azərbaycan Dövlət Həkimləri Təkmilləşdirmə İnstitutu.
Məqalə və tezislər üçün: Elmi işlər üzrə prorektor dosent M.T.Meybəliyev. Telefon: (+99412) 431 01 82.
Çıxışlar üçün: Gənc alimlər şurasının sədri dosent A.Z.Əfəndiyev.
Telefon: (+99450) 350 83 84.
E-mail: aadhti@mail.ru
|
|
Hörmətli dostlar!
 Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.
Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır.
İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.
|
TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ
ONLAYN JURNAL
"Tibb və Elm"
Əziz Əliyev adına elmi-praktiki jurnal.
Tibb sahəsinin bütün bölmələri üzrə orijinal məqalələr qəbul edilir.
|
|
