Dörd il öncə 8 noyabr tarixində Azərbaycan xalqı 44 günlük müharibə nəticəsində öz torpaqlarını işğaldan azad etməklə tarixinin ən şərəfli səhifəsini yazdı. Keçən il isə qısamüddətli antiterror əməliyyatı ilə vətənimizin ərazi bütövlüyü tam bərpa olundu. Azərbaycan Prezidentinin rəhbərliyi ilə Azərbaycan Ordusunun yenilməz gücü və Azərbaycan xalqının sarsılmaz birliyi qarşısında düşmən diz çökdü. Bu böyük qələbə günü münasibəti ilə sizi təbrik edirəm. Allah şəhidlərimizə rəhmət etsin, qazilərimizə şəfa versin!
Bu tarixi zəfər Azərbaycan Ordusunun, onun Ali baş Komandanın, bütün Azərbaycan xalqının qələbəsidir. Bu qələbə Azərbaycan xalqının nə qədər güclü, nə qədər mətin, nə qədər mübariz olduğunu bir daha bütün dünyaya sübut etdi. Bu zəfər bir daha təsdiq etdi ki, Azərbaycan bir qarış da olsun torpağını kimsəyə güzəştə getməyəcək.
Şanlı qələbənin qazanılmasında ölkə tibb işçilərinin də böyük rolu olmuşdur. İstər döyüşlər zamanı, istərsə də arxa cəbhədə məhz institutumuzun müdavimləri olmuş həkimlərimizin fədakarlığı sayəsində xeyli sayda yaralılar həyata qayıtmışdır. Onlar bir əlində həkim çantası, o biri əlində isə silah düşmənlərlə döyüşüb, müqəddəs həkimlik peşəsini layiqincə yerinə yetirib, xalqımıza Zəfər Gününün sevincini yaşadıblar. İnstitutumuzun cərrahiyyə fakültəsi kafedralarının əməkdaşlarının həm cəbhədə, həm də bilavasitə iş yerlərində apardıqları əməliyyatlar neçə-neçə döyüşçülərimizin həyatını xilas etmişdir.
Xalqımızın tarixində ən əziz və ən müqəddəs bayramlardan biri olan Zəfər Günü bayramınız mübarək olsun!