28.10.2024-01.11.2024-cü il tarixində Ə.Əliyev adına ADHTİ-nun terapiya kafedrası Biləsuvar Rayon Mərkəzi Xəstəxanasında “Kardiovaskulyar xəstəliklərin müalicəsinə müasir yanaşma” mövzusunda səyyari kurs keçirtmişlər. Kursda Biləsuvar, Salyan, Cəlilabad, Masallı rayonlarından həkim-terapevtlər, kardioloqlar və ailə həkimləri iştirak etmişlər. Kafedranın professoru Natəvan Fərəcova və dosenti Sədaqət Sultanova kardiovaskulyar xəstəliklərə dair son tövsiyələrə uyğun mühazirələr oxuyub, praktik məşğələlər aparmışlar. Bu zaman arterial hipertenziya, kəskin və xronik koronar sindromlar, xronik ağciyər ürəyi, ürək çatışmazlığı və aritmiyalara aid yeni məlumatlar dinləyicilərin nəzərinə çatdırılmış, onlara klinik tövsiyələrə uyğun müalicə alqoritmləri təqdim olunmuş, hər mövzuya aid klinik hallar müzakirə edilmişdir. Kursun sonunda müdavimlər test şəklində tapşırıqları cavablandıraraq müvafiq şəhadətnamələr almışlar.