“IV Xəzər Görüşləri” beynəlxalq qastroenteroloji konfrans başa çatmışdır

01.06.2024

31 may-1 iyun 2024-cü il tarixlərində Ə.Əliyev adına Azərbaycan Dövlət Həkimləri Təkmilləşdirmə İnstitutunun terapiya kafedrasının dosenti Gülüstan Babayevanın sədrliyi ilə Azərbaycan Qastroenterologiya və İnvaziv Endoskopiya Cəmiyyətinin “IV Xəzər Görüşləri” beynəlxalq qastroenteroloji konfransı keçirilmişdir.
İki gün davam edən tədbirdə qastroenterologiya sahəsində tanınmış elm adamları olan professor Massimo Rugge (İtaliya), professor Marcis Leya (Latviya), professorlar Dmitry Bordin və Elena Sabelnikova (Russiya), professorlar Serhat Bor, Fatih Aslan, Cihan Yurdaydın, Murat Akyüz, Yilmaz Cakaloğlu, Cem Şimşek, Tarik Aziz (Türkiyə) həzm traktı xəstəliklərinin terapevtik və endoskopik cərrahi müalicəsi və profilaktikasında, komorbid pasiyentlərdə menecmentdə olan ən son yenilikləri və öz təcrübələrini iştirakcılar ilə bölüşmüşlər. Ə.Əliyev adına Azərbaycan Dövlət Həkimləri Təkmilləşdirmə İnstitutunun terapiya kafedrasının dosenti Gülüstan Babayeva və kafedranın doktorantı Emin Məmmədov də konfransda təqdimatla çıxış etmişlər.
Artıq bir ənənəyə çevrilən “Xəzər görüşləri” son il ərzində işiq üzü görmüş klinik tövsiyələrin beynəlxalq diskussiya platforması olması ilə yanaşı, milli mütəxəsisslərin beynəlxalq tədqiqatlara qatılma platformasına da cevrilmişdir.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu

TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ

QİYMƏTLƏNDİRMƏ