Əməkdaşımız Azərbaycan Revmatologiya Cəmiyyətinin “A-dan Z-yə Revmatoid Artrit” konfransında çıxış etmişdir

17.05.2024

17 may 2024-cü il tarixində "A-dan Z-yə Revmatoid Artrit" adlı konfrans keçirilmişdir. Konfrans müasir revmatologiyanın ən aktual problemlərindən birinə - revmatoid artritin diaqnostika və müalicə prinsiplərindəki yeniliklərə həsr olunmuşdur. Beynəlxalq səviyyədə 4 paneldə keçirilən konfransda Bakı, Gəncə, Mingəçevir, Sumqayıt şəhərləri ilə yanaşı ölkəmizin digər bölgələrindən gələn revmatologlar da iştirak etmişlər. Bu konfransda əməkdaşımız Ə.Əliyev adına Azərbaycan Dövlət Həkimləri Təkmilləşdirmə İnstitutunun terapiya kafedrasının assistenti, t.ü.f.d. Fidan Qasımova da iştirak etmişdir. Onun “Revmatoid artritin müalicəsində yeni üfüqlər” mövzusunda olan təqdimatı maraqla qarşılanmışdır.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu

TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ

QİYMƏTLƏNDİRMƏ