Son illərdə davamlı tibbi təhsil sistemində, tibbi ixtisasların maraqları və fənlərarası xüsusiyyətləri nəzərə alınaraq, ölkələrarası əməkdaşlıq çərçivəsində müxtəlif tədbirlər təşkil edilir. Belə tədbirlərdən biri də 06.05.2024-cü il tarixində Bakıda Avrasiya pediatrlar və neonatoloqlar Assosiasiyasının təşkil etdiyi «Sağlam uşaqlıq» II Böyük Avroasiya pediatrik məktəbinin keçirilməsi aiddir.
Rusiya Diplomdansonrakı Davamlı Tibbi Təhsil Akademiyasının Speranski adına neonatologiya kursu ilə pediatriya kafedrasının müdiri professor İrina Nikolaevna Zaxarovanın rəhbərlik etdiyi Avrasiya pediatrlar və neonatoloqlar Assosiasiyasına Azərbaycan, Belarus, Qazaxıstan, Qırğızıstan, Moldova, Rusiya, Tacikistan, Özbəkistan, Ukraynadan olan pediatriya sahəsində aparıcı mütəxəssislər daxildir.
Tədbirdə pediatriya məktəblərinin aparıcı mütəxəssisləri pediatriya, neonatologiya, allerqologiya-immunologiya, qastroenterologiya, pulmonologiya və genetika üzrə aktual mövzuların təhlillərini həm canlı, həm də onlayn şəkildə təqdim etmişlər. Müasir mərhələdə profilaktika, vaxtında diaqnostika və uşaqlara köməklik məsələləri qaldırılmışdır. Ekspertlər öz geniş klinik təcrübələrini bölüşmüşlər.
«Sağlam uşaqlıq» II Böyük Avroasiya pediatrik məktəb tədbirində Ə.Əliyev adına Azərbaycan Dövlət Həkimləri Təkmilləşdirmə İnstitutunun müəllim heyəti, ATU, K.Fərəcova adına ETPİ, müxtəlif tibb müəssisələrindən mütəxəssislər iştirak etmişlər.İnstitutumuzun pediatriya kafedrasının dosenti, terapiya fakültəsinin dekanı, əməkdar həkim Zemfira Quliyeva «Sağlam uşaqlıq» II Böyük Avroasiya pediatrik məktəb tədbirində təqdimatla çıxış etmişdir. Təqdimat böyük maraqla qarşılanmışdır.
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.
