16-19 aprel 2024-cü il tarixində Özbəkistanda Milli Qastroenteroloqiya Məktəbinin XXII sessiyası kecirilmişdir. Bu tədbirdə ölkəmizi Ə.Əliyev adına Azərbaycan Dövlət Həkimləri Təkmilləşdirmə İnstitutunun terapiya kafedrasının dosenti Gülüstan Babayeva təmsil etmişdir. Özbəkistan Milli Qastroenteroloqiya Məktəbinin ənənələrinə görə sessiyanın aparıcı mərüzəcilərinin cıxışları paytaxt Daşkənt ilə yanaşı bölgələrdə də olmalıdır. Belə ki, tədbir eyni zamanda Səmərqənd, Andijan, Fərqanə, Buxara həkimləri üçün təşkil olunmuş idi. Müasir qastroenterologiyanın aktual problemlərinə aid olan qaraciyərin metabolik assosiasiya edilmiş piy xəstəliyi, qaraciyərin metabolik disfunksiya ilə assosiasiya edilmiş steatotik xəstəliyi, xroniki pankreatitlər, mədəaltı vəzin ekzokrin çatmamazlığı, komorbid pasiyentlərdə qeyd olunan problemlər ilə əlaqəli diaqnostika və müalicə prinsiplərinə aid son yeniliklərə həsr olunmuş konfranslarda əməkdaşımız öz şəxsi tədqiqat nəticələri ilə cıxışlar etmişdir. Çıxışlar maraqla qarşılanmış və ətrafında diskussiyalar olmuşdur.