08 aprel 2024-cü il tarixində Bakıda “Hemofiliyanın aktual problemləri. Ekspertlərin zirvə toplantısı" adlı beynəlxalq elmi-praktik konfrans keçirilmişdir. 17 Aprel - Dünya Hemofiliya Gününə həsr olunan bu tədbir Azərbaycan Respublikası Səhiyyə Nazirliyinin dəstəyi və Ə.Əliyev adına Azərbaycan Dövlət Həkimləri Təkmilləşdirmə İnstitutunun təşkilatçılığı ilə baş tutmuşdur.
Konfransın açılış mərasimində Ə.Əliyev adına ADHTİ-nin rektoru professor Nazim Qasımov, İcbari Tibbi Sığorta üzrə Dövlət Agentliyinin Tibbi planlama departamentinin rəhbəri Hikmət İbrahimli, TƏBİB-in İcraçı direktorunun müavini Anar İsrafilov, Türkiyə Cümhuriyyəti İstanbul Universitetinin rektoru professor Bülent Zulfikar iştirakçıları salamladıqdan sonra Rusiya Federasiyası Milli Hematologiya Tədqiqat Mərkəzi Hemostaz bölmə rəhbəri professor Nadejda Zozulya, Rusiya Federasiyası İ.M.Seçenov adına Birinci Moskva Dövlət Tibb Universitetinin Klinik transfuziologiya kafedrasının müdiri professor Əliheydər Rəhimov məruzələrlə çıxış etdilər.