Tədbirdə YAP Yasamal rayon təşkilatının sədri Bəxtiyar Nəbiyev çıxış edərək ilk öncə 7 fevral 2024-cü il tarixində keçirilən prezident seçkilərində cənab İlham Əliyevin qalib gəlməsi münasibəti ilə tədbir iştirakçılarını təbrik edib. Vurğulanıb ki, ulu öndər Heydər Əliyevin qurucusu olduğu Yeni Azərbaycan Partiyası Azərbaycanın müstəqilliyinin möhkəmləndirilməsində və inkişafında mühüm rol oynayıb. Tədbir iştirakçılarının diqqətinə çatdırılıb ki, ümummilli lider Heydər Əliyevin müəyyən etdiyi müdrik daxili və xarici siyasət Azərbaycan Respublikasının Prezidenti cənab İlham Əliyev tərəfindən uğurla davam etdirilir. Əldə olunan tarixi zəfərlər də öz növbəsində bu siyasətin zirvəsidir. Sıralarında ictimaiyyətin bütün təbəqələrini təmsil edən və 700 mindən çox üzvü birləşdirən Yeni Azərbaycan Partiyası bu gün Ulu Öndərin işıqlı ideyalarının daşıyıcısı kimi cəmiyyətdə aparıcı rolunu getdikcə möhkəmləndirir, Azərbaycanın davamlı və dayanıqlı inkişafına önəmli töhfələr verir. YAP Yasamal rayon təşkilatı da yüksək səviyyədə bu prosesə öz tövhəsini verir.
Çıxışlardan sonra bir qrup partiya fəalına diplom və fəxri fərman təqdim olundu. Yasamal rayon təşkilatının yaranmasının 31 illiyi münasibətilə ictimai- siyasi fəaliyyətinə görə Ə.Əliyev adına Azərbaycan Dövlət Həkimləri Təkmilləşdirmə İnstitutuna diplom təqdim edildi.