Birləşmiş Ərəb Əmirliklərinin Dubay şəhərində “Dubai World Trade Centre”-də Yaxın Şərq, Şimali Afrika və Cənubi Asiya (MENASA) regionunda aparıcı stomatoloji tədbir sayılan BƏƏ Beynəlxalq Stomatoloji Konfransı və Ərəb Diş Sərgisi - AEEDC Dubai 2024 keçirilmişdir.
Bir çox ölkələrin aparıcı stomatoloqlarının iştirak etdiyi beynəlxalq konfransda Ə.Əliyev adına ADHTİ-nin ortodontiya kafedrasının müdiri t.e.d. Z.V. Qasımova “Prevalence and primary causes of malocclusions due to tooth impaction”, həmin kafedranın assistenti t.ü.f.d. G.B.Əliyeva “Success and complications with the use of mini-screws” və kafedranın dissertantı V.A.Vəliyeva “Dynamics of eruption of the lower third molars in patients with dental anomalies aged from 7 to 25 years” posterləri ilə çıxış etmişlər. Posterlərdə çoxsaylı klinik hallar üzərində dişlərin hərəkəti, diş sıraları və çənələr nəzərə alınmaqla aparılan ortodontik müalicə üsulları haqqında məlumat verilmişdir.