Əməkdaşımız Budapeştdə keçirilmiş "Qanaxmalı xəstələrin müasir müalicəsi" beynəlxalq konfransında iştirak etmişdir

20.11.2023

16-17 noyabr 2023-cü il tarixdə Macarıstanın paytaxtı Budapeşt şəhərində "Qanaxmalı xəstələrin müasir müalicəsi" mövzusunda beynəlxalq konfrans keçirilmişdir. 20-yə yaxın Avropa ölkəsinin aparıcı hematoloq və genetiklərinin qatıldığı tədbirdə Ə.Əliyev adına Azərbaycan Dövlət Həkimləri Təkmilləşdirmə İnstitutunun hematologiya kafedrasının əməkdaşı Mehparə Kazımova da iştirak etmişdir. Onun "Azərbaycanda irsi qan laxtalanma pozğunluğu xəstəlikləri, statistika,diaqnostika,müasir müalicə" adlı prezentasiyası maraqla qarşılanmışdır. Bu zaman verilən suallar cavablandırılmış,mövzu ətrafında diskussiya aparılmışdır. Münsiflər heyətinin qərarı ilə məruzə yüksək qiymətləndirilmiş və müvafiq diplomla təltif olunmuşdur.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu

TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ

QİYMƏTLƏNDİRMƏ