Ə.Əliyev adına ADHTİ-nin Terapiya kafedrası, “Metabolit” klinikası, Azərbaycan Endokrinologiya, Diabetologiya və Terapevtik Təlimat Assosiasiyası və Azərbaycan Diabet Cəmiyyəti tərəfindən 14.11.2023-cü il tarixində Beynəlxalq Diabet Gününə həsr olunmuş elmi seminar keçirilmişdir. Seminara terapiya kafedrasının müdiri t.e.d. Valeh Mirzəzadə sədrlik edirdi.
Seminarda çıxış edən Azərbaycan Səhiyyə Nazirliyinin mütəxəssis-ekspert endokrinoloqu Babək Saleh diabetlə müalicədə ilk insulinlərin tarixindən və müasir dövrdə istifadə olunan şəkərendirici preparatların tətbiqi haqqında danışdı.
Azərbaycan Endokrinologiya, Diabetologiya və Terapevtik Təlimat Assosiasiyasının direktoru Sevil Mustafayeva Assosiasiyanın fəaliyyəti barədə ətraflı məlumat verdi
Azərbaycan Diabet Cəmiyyətinin sədri terapiya kafedrasının assistenti Aygün Hüseynova öz çıxışında Diabet Cəmiyyətinin fəaliyyəti haqqında məlumat verdi.
Terapiya kafedrasının dosenti, t.ü.f.d. Sədaqət Sultanova diabetdən əvvəl olan prediabet mərhələsindən danışdı və kafedrada aparılan tədqiqatın nəticələrini təqdim etdi.
Sonda kafedra müdiri t.e.d. Valeh Mirzəzadə öz çıxışında son tövsiyələrə uyğun şəkərli diabetin diaqnostika və idarəolunmasına dair yeni məlumatları çatdırdı.
Seminarda institutun prorektorları dosent A.Meybəliyev, dosent T.Eyvazov, dekan t.e.d. Z.Quliyeva, tədris hissənin müdiri M.Mürsəlov, elecə də “Olimp hospital”ın direktoru S.Şükürov və terapiya kafedrasının əməkdaşları iştirak etdilər.
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.
