Əməkdaşımız XIV Avrasiya Onkohematoloji Kongresində çıxış etmişdir 16.10.2023
11.10.2023-14.10.2023-cü il tarixində Türkiyənin İstanbul şəhərində XIV Avrasiya Onkohematoloji Kongresi keçirilmişdir. Avropa və Asiya ölkələrinin aparıcı onkohematoloq mütəxəssislərinin hər il toplandığı bu kongressin məqsədi onkohematoloji və hemostaz patologiyalarının diaqnostika və müalicəsində əldə olunan müasir elmi və praktiki nailiyyətlərin qiymətləndirilməsi, müasir müalicə prorokollarının əsaslandırılması və s olmuşdur. Kongresdə Ə.Əliyev adına ADHTİ-nun hematologiya kafedrasının assistenti Günel Əlizadə “Hemofiliyanın müalicəsində Azərbaycan təcrübəsi” adlı poster məruzəsini təqdim edərək hemofiliyanın müalicəsində ölkəmizin illər ərzində əldə etdiyi nailiyyətlərdən bəhs etmişdir. Məruzə “Hematologiya, transfuziologiya və kök hüceyrə terapiyası” jurnalında dərc olunmuşdur. XIV Avrasiya Onkohematoloji Kongresində eyni zamanda "Azərbaycan Hematologiya Mütəxəssisləri İctimai Birliyi"-nin üzvləri də məruzələrlə çıxış etmişlər.
4 gün davam edən kongres hematologiyanın müxtəlif aktual məsələlərinə həsr olunmuş elmi məruzələrlə zəngin idi.
|
|
Hörmətli dostlar!
 Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.
Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır.
İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.
|
TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ
ONLAYN JURNAL
"Tibb və Elm"
Əziz Əliyev adına elmi-praktiki jurnal.
Tibb sahəsinin bütün bölmələri üzrə orijinal məqalələr qəbul edilir.
|
|
