Əməkdaşlarımız Daşkənd şəhərində "Dermatovenereoloji və estetik təbabətdə müasir yanaşma üsulları" konqresində iştirak etdilər 19.09.2023
15-16 sentyabr 2023-cü il tarixində Özbəkistanın paytaxtı Daşkənd şəhərində "Dermatovenereoloji və estetik təbabətdə müasir yanaşma üsulları" beynəlxalq elmi-praktik konqresi keçirilmişdir. Konqresdə 15 ölkədən1000-ə yaxın mütəxəssis iştirak edirdi. Tədbirin böyük elmi və praktik əhəmiyyəti var idi və müxtəlif ölkələrin dermatoveneroloqları və kosmetoloqları arasında elmi və praktik əlaqələrin yaranmasında mühüm rol oynamışdır.
Ölkəmizi Azərbaycan Dermatoveneroloqlar Assosiyasiyasının prezidenti t.e.d. Sənan Kərimovun rəhbərlik etdiyi Ə.Əliyev adına Azərbaycan Dövlət Həkimləri Təkmilləşdirmə İnstitutunun dermatovenerologiya kafedrasının əməkdaşları təmsil edirdilər.T.e.d. Sənan Kərimovun “Psoriaz və metabolik sindrom” mövzusunda etdiyi məruzə konqres iştirakçıları tərəfindən böyük maraqla qarşılanmışdır.
|
|
Hörmətli dostlar!
 Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.
Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır.
İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.
|
TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ
ONLAYN JURNAL
"Tibb və Elm"
Əziz Əliyev adına elmi-praktiki jurnal.
Tibb sahəsinin bütün bölmələri üzrə orijinal məqalələr qəbul edilir.
|
|
