Əməkdaşlarımız "EHA-2023" Beynəlxalq Hibrid Konqresində iştirak etmişlər

14.06.2023

8-11 iyun 2023-cü il tarixdə Almaniyanın Frankfurt şəhərində Avropa Hematoloqlar Assosiasiyasının "EHA-2023" Beynəlxalq Hibrid Konqresi keçirilmişdir. Konqresdə Ə.Əliyev adına Azərbaycan Dövlət Həkimləri Təkmilləşdirmə İnstitutunun hematologiya kafedrasının müdiri, Elmi-Praktik Hemofiliya Mərkəzinin rəhbəri dosent Elmira Qədimova, pedaqogika, psixologiya və xarici dil kursu ilə səhiyyənin təşkili və menecmenti kafedrasının müdiri, t.e.d. Hikmət İbrahimli, AR Səhiyyə Nazirliyi Milli Hematologiya və Transfuziologiya Mərkəzinin əməkdaşları iştirak etmişlər. Konqresdə hemostaz sistemi pozğunluqları, trombozlar, onkohematoloji xəstəliklər, onların müalicəsində ən son yeniliklər müzakirə olunmuş, fikir mübadiləsi aparılmışdır. Səfər çərçivəsində dosent Elmira Qədimova Frankfurt Hemofiliya Mərkəzində olmuş, Mərkəzin rəhbəri Karmen Eskuriola və digər əməkdaşlarla görüş keçirmiş, hemofiliya və digər koaqulopatiyalı xəstələrin registri, müayinə və müalicəsi barədə təcrübələrini bölüşmüşlər.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu

TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ

QİYMƏTLƏNDİRMƏ