Ə.Əliyev adına Azərbaycan Dövlət Həkimləri Təkmilləşdirmə İnstitutunun travmatologiya və ortopediya kafedrasının assistenti t.ü.f.d. İnar Seidov 8-10 iyun 2023-cü il tarixində Hindistanın Gujarat ştatının Vapi şəhərində Meril Akademiyasının 18-ci Master Kursunda iştirak etmişdir. Kusrda 40 ölkədən 300-dən çox travmatoloq və ortopedlər iştirak edirdilər.
Kursun məqsədi regionlar üzrə diz oynağının artroplastika əməliyyatlarında ən son nailiyyətləri müzakirə etmək idi. Bu üç gün ərzində nümayəndələr Hindistandan və xaricdən canlı cərrahiyyə əməliyyatlarına, mürəkkəb klinik hadisə təqdimatlarına baxdılar və didaktik mühazirələrə qulaq asdılar. Tanınmış mütəxəssislərin iştirakı ilə əməliyyatlar hər tərəfli müzakirə edildi. Bu zaman canlı əməliyyatlarla yanaşı interaktiv seanslar da keçirilirdi. Eyni vaxtda proqram üzrə praktiki bacarıqların inkişaf etdirilməsinə də xüsusi fikir verilirdi. Beləki, praktikada tətbiq edilən çətin texnologiyalar haqqında ekspertlərin iştirakı ilə fikir mübadiləsi aparıldı və yenilikləri öyrənmək imkanları əldə edildi.
Tədbir cərcivəsində əməkdaşımız İnar Seidov Sakra World Hospitalda diz oynağının robotik artroplastika əməliyyatında iştirak etdi.
Hal-hazırda robotik cərrahiyyə ümumi cərrahiyyə, uroloqiya, ginekoloqiya ilə yanaşı travmatologiya-ortopediya ixtisasında da yerini tapır və gələcəkdə böyük yeniliklərə imza atacağı gözlənilir.