Uşaqların Beynəlxalq Müdafiəsi Gününə həsr olunmuş konfrans keçirildi 01.06.2023
31 may 2023-cü il tarixində K.Y.Fərəcova adına Elmi Tədqiqat Pediatriya İnstitutunda Uşaqların Beynəlxalq Müdafiəsi Gününə həsr olunmuş konfrans keçirildi. Pediatrlar üçün nəzərdə tutulan konfrans 80 nəfərin iştirakı ilə baş tutmuşdur.
Konfransın açılışında K.Y.Fərəcova adına ETPİ-nun direktoru, t.ü.f.d. Lətif Zeyniyev, Ədliyyə Nazirliyinin İnsan Hüquqları, İnformasiya və Kommunikasiya şöbəsinin nümayəndəsi Aynur Sabitova, Səhiyyə Nazirliyinin nümayəndəsi Aynurə Zeynalova, Azərbaycanın UNİCEF ofisinin nümayəndəsi Vüqar Salmanov, İSİM-in direktoru Qəhrəman Haqverdiyev, Ailə, Qadın və Uşaq Problemləri üzrə Dövlət Komitəsinin nümayəndəsi Seymur Məmmədov, Ombudsman aparatından Nigar Ağayeva çıxış etdilər.
Ə.Əliyev ADHTİ-nun pediatriya kafedrasının dosenti Nigar Hacıyeva konfransda "Atanın uşaq sağlamlığında rolu" mövzusu ilə çıxış edərək yeni araşdırmalarla təsdiq edilən atanın uşağın həyatında iştirakının övladın psixo-sosial sağlamlığına böyük təsir etdiyi haqqında məlumatları konfrans iştirakçılarına təqdim etdi. Çıxış maraqlı diskussiyaya səbəb oldu.
|
|
Hörmətli dostlar!
 Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.
Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır.
İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.
|
TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ
ONLAYN JURNAL
"Tibb və Elm"
Əziz Əliyev adına elmi-praktiki jurnal.
Tibb sahəsinin bütün bölmələri üzrə orijinal məqalələr qəbul edilir.
|
|
