Türkiyənin İzmir şəhərində 09-13 may 2023-cü il tarixində “16-cı Ege Dermatoloji Günləri” kongresi keçirilmişdir. Konqresdə dünyanın 10 ölkəsindən 700-dən çox dermatoveneroloq iştirak etmişdir. Artıq 16-cı dəfə keçirilən kongresin dermatovenerologiyanın aktual problemlərinə həsr olunmuş çox maraqlı proqramında 150-dən çox məruzə dinlənilmişdir. Ölkəmizi konqresdə Ə.Əliyev adına Azərbaycan Dövlət Həkimləri Təkmilləşdirmə İnstitutunun dermatovenerologiya kavedrasının müdiri Sənan Kərimov və həmin kafedranın professoru Mir-Riad Cavadzadə təmsil etmişlər. Onların “Psoriaz və metabolik sindrom” və “Ureaplazmoza müasir yanaşma” mövzusunda məruzələri maraqla qarşılanmışdır. Professor Sənan Kərimovun sədrlik etdiyi “Beynəlxalq Dermatoloji Cəmiyyət” iclasında gündəmdə olan dermatoloji xəstəliklərə müasir baxışlar mövzusu ətrafında müzakirələr aparılmışdır.