Quba şəhərində Azərbaycan Pediatriya Cəmiyyətinin regional iclası keçirilmişdir 27.02.2023
25 fevral 2023-cü il tarixində Quba şəhərində Azərbaycan Pediatriya Cəmiyyətinin regional iclası baş tutdu. İl ərzində 4 regional iclasın keçirilməsi planlaşdırılıbdır. Növbəti iclaslar Gəncədə, Şəkidə və Lənkaranda keçiriləcəkdir. İclasların məqsədi regionlarda çalışan pediatrlara elmi araşdırmalarla sübut olunmuş sübutlu təbabətin vacibliyini göstərmək və pediatriyada aktual olan problemlərin müzakirəsidir.
Tədbirdə Bakı, Quba, Gəncə və Salyandan 90 nəfər pediatr iştirak etdi. Azərbaycan Respublikası Səhiyyə Nazirliyinin qadın, ana, uşaq və yeniyetmələrin sağlamlığının qorunması sektorunun müdiri Aynurə Zeynalova və TƏBİB-in ana və uşaq sağlamlığının təşkili şöbəsinin məsləhətçisi Şəbnəm Şahgəldiyeva da iclasda iştirak etmişdirlər.
Toplantı zamanı 9 məruzə təqdim olundu. Ə.Əliyev adına Azərbaycan Dövlət Həkimləri Təkmilləşdirmə İnstitutunun pediatriya kafedrasının dosenti Nigar Hacıyeva "Qıcıqlanmış bağırsaq sindromunu necə tanıyaq" və "Tənəffüs yollarının virus infeksiyalarında alternativ müalicə üsulu" mövzularında təqdimatla çıxış etmişdir. Mətuzələr ətrafında diskussiya aparılmışdır.
|
|
Hörmətli dostlar!
 Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.
Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır.
İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.
|
TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ
ONLAYN JURNAL
"Tibb və Elm"
Əziz Əliyev adına elmi-praktiki jurnal.
Tibb sahəsinin bütün bölmələri üzrə orijinal məqalələr qəbul edilir.
|
|
